domingo, 17 de julho de 2016

Jovem Caboverdiana de 25 Anu Morre na Ataque de Nice

Jovem caboverdiana morre na ataque de Nice. Si pais sta internado na hospital.
13612373_10208505241761622_1515785105216120496_n
Um jovem de origem caboverdiano de nome Ludi Gomes, sta entre vítimas mortal de atentado ki kontisi quinta-feira de noite na Nice, na sul de França. Si ki um familiar konfirma es sexta-feira. Segundo es mesmu fonte, jovem de 25 anu, ki nasce na França, staba durante ataque, djuntu ku si pais, ku si irmons e ku outros primos, e é morre na local. Pais des jovem sta internado na Hospital, devido ferimentos ki es panha durante es tragédia.
Irmon de vitima sta desaparecido, komunicado ma por enquanto, ka sabedu undi ki sta irmon de vitima ki staba tambe ta sisti fogo-de-artifício ki dadu pa komemora Dia de França.
Pai de jovem ki morre é de ilha de Santiago.
Entrevistados pa jornalista hoje, Primeiro-ministro de Cabo Verde, Ulisses Correia e Silva e Olivier da Silva, ki é embaixador de França na Cabo Verde, es fla ma inda es ka teni ninhum informason oficial sobre vítimas de descendência caboverdiano, mas, ma es sta na faze contactos pa es recebe mas informason.
Nice é um cidade undi ki ta vive txeu caboverdianos. Um Kamion atropela onti quinta-feira de note txeu pessoas na Promenade des Anglais, kantu staba ta dadu foguete (fogo-de-artifício) pa celebra dia de França. Último balanço de autoridades frances, sta indika ma houve 84 mortos e mas de cem feridos. Txeu pessoas sta na hospital em estado considerado crítico. Condutor de kamion morre durante confronto ku polícia. Autoridades frances dja sta na konsidera ma keli é um atentado e Presidente de França, François Hollande, anuncia ma França sta prolonga pa mas três mes estado de emergência ki dja sta na país desde anu passado.
França decreta luto nacional de três dia.
FONTE: http://dypk-portal.com/jovem-cabo-verdiana-morre-nos-ataques-de-nice/

Nenhum comentário:

Postar um comentário